|
HVAÐ ÖÐLINGURINN 2010 er samstöðuátak um baráttu gegn kynbundnu ofbeldi.
HVERNIG Fræðsla er mikilvægasta vopnið í þeirri baráttu. Öðlingarnir hvetja þig til að kaupa bókina Ofbeldi á Íslandi: Á mannamáli hér á síðunni og styrkja um leið Skotturnar, samtök kvenna gegn kynbundnu ofbeldi. Ef þú kaupir bókina á lágmarksverði (3000 kr.) renna 1000 krónur til átaksins; sé hún keypt á 5000 kr. nemur styrkurinn 3000 krónum o.sv.fr. Hámarksverð er undir þér komið. Skotturnar samanstanda af samtökum kvennahreyfingarinnar á Íslandi. Ekki gleyma að haka við fulltrúa þeirra samtaka sem benti þér á átakið í kosningunni hér til hægri, okkur til hvatningar og gamans.
HVERS VEGNA Samstaða íslenskra kvenna þann 24. október 1975 vakti heimsathygli. Það sama má segja um 24. okt. árið 1985 og síðast árið 2005. Hvergi annars staðar virðast konur hafa náð annarri eins samstöðu um kjör sín og stöðu. Markmið samstöðufundarins í ár verður að vekja athygli á kynbundnu og kynferðislegu ofbeldi.
Finndu öðlinginn í þér og styrktu gott málefni!
HVENÆR Átakið hófst á bóndadag 2010 (22. janúar) þegar valinn hópur karlmanna fékk boð um að leggja átakinu lið og safna fé fyrir Neyðarmóttöku vegna nauðgana. Á konudaginn 2010 (þann 21. febrúar) færðist kyndillinn frá bónda til konu; þegar öðlingar innan kvennahreyfingarinnar tóku við átakinu úr höndum öðlings karla.
UM BÓKINA Í bók sinni Á MANNAMÁLI fjallar Þórdís Elva Þorvaldsdóttir á einstakan hátt um kynbundið ofbeldi á Íslandi, um afbrotin, umræðuna, dómskerfið og ekki síst staðreyndirnar - á hátt sem allir skilja. Hún tekur á ranghugmyndum og fordómum og segir sögur bæði af sigrum og ósigrum.
HVERJIR Öðlingar ársins eru fulltrúar á vegum samtaka kvennahreyfingarinnar. Þar má nefna Stígamót, Kvennaathvarfið, Kvenréttindafélag Íslands, Zonta konur, Soroptimista, Jafnréttisstofu, Kvenfélagasambandið, Femínistafélag Íslands, Kvennaráðgjöfina, Unifem á Íslandi o.fl. |
 Ég vil kaupa bókina á:
|
|
 |  |  |  |